spot_img
Saturday, February 24, 2024
More
    HomeLatestA Billy Malata awona nyekhwe khoti litawatumiza ku ndende ya Maula poipitsa...

    A Billy Malata awona nyekhwe khoti litawatumiza ku ndende ya Maula poipitsa mbiri ya a ena pogwiritsa ntchito masamba a mchezo

    -

    Bwalo la milandu laling’ono ku Nathenje, latumiza mkulu woyang’anira nkhani za ndale m’chipani cha DPP, a Fredrick Billy Malata ku ndende ya Maula kwa masiku asanu ndi awiri (7).

    A Malata, adamangidwa loweruka pa mlandu woipitsa mbiri ya wochita malonda a Alfred Gangata pogwiritsa ntchito masamba a mchezo.

    Iwo adatengeredwa ku bwalo la milandu ku Nathenje dzulo ndipo bwalo lawatumiza ku Maula kwa amasiku 7 ponena kuti chigamulo pa pempho lawo la belo chidzapelekedwa Lachiwiri sabata ya mawa.

    Owayimilira a Malata a Gladwell Majekete atsimikiza za izi ndipo ati a Malata akasiyidwa ku Maula m’mawa wa lero atagona usiku wadzulo ku polisi ya Nathenje.

    Akulowa ku ndende ya Maula, a Malata adalankhura mwachidule ndi Times 360 Malawi ndipo anati: “Amalawi akufuna kwabwino andithandize. Ombudsman, a Chief Justice komanso Inspector General of police andithandize ndikuvutika. Ndagona ku Area 3 police masiku atatu, dzulo ndagona ku Nathenje lero akukandisiya ku Maula pa nkhani zosamveka. Panopa mu zovala zanga muli msikidzi zokhazokha, ndikuvutika.”

    Wolemba Cathy Maulidi

    Related articles

    LEAVE A REPLY

    Please enter your comment!
    Please enter your name here

    spot_img

    Latest posts